«Халқлар дўстлиги» санъат саройида «Миллион» жамоасининг концерт дастури бошланди. «Миллион» жамоаси апрель ойининг дастлабки ўн кунлигида санъат саройида мезбонлик қилади. Журналист Феруз Муҳаммад концерт дастурининг илк кунида меҳмон бўлди.
Концерт дастурида Даврон Қобулов «Миллион» жамоасининг концерт дастурида меҳмон санъаткор сифатида кимни олиб келиш ҳақида узоқ ўйладик, 1,5—2 йиллик музокаралардан сўнг афсонавий «Сетора» гуруҳини тўлиқ таркибда саҳнага чиқишга кўндирдик», — дея «Сетора» гуруҳини саҳнага таклиф этди.
Мухлислар томонидан катта қизиқиш ва олқишлар билан кутиб олинган «Сетора» гуруҳи ўзининг энг хит тароналарини куйлаб дастурга ўзгача файз берди.
Даврон Қобуловнинг маълумотига қараганда, «Сетора» гуруҳининг аъзоси Феруза Латипова «Миллион» жамоасининг концерти учун АҚШдан етиб келган.
«Сетора» гуруҳи концерт дастурида жами бўлиб икки бор чиқиш қилди. Биринчи чиқишда энг хит қўшиқларидан парчалар куйланган бўлса, иккинчи чиқиш дастур сўнггида бўлиб, улар хонанда Равшан Собиров билан «Хайр мактабим» қўшиғини куйлади.
Изоҳ (0)