Ўзбекистонда хавфли жиноятчилар ва зўравонлар мажбурий тартибда геном рўйхатидан ўтказилади. Ушбу ҳужжат лойиҳаси Ички ишлар вазирлиги томонидан нормативе-ҳуқуқий ҳужжатлар лойиҳалари муҳокамаси порталига жойлаштирилди.
Геном ахборот деганда инсон ДНКси ва шахси аниқланмаган жасад қолдиқларининг кодланган ахборотларни ўз ичига олган шахсий маълумотлар тушунилади.
Қуйидагилар мажбурий геном рўйхатидан ўтказилади:
- Шахснинг жинсий эркинлигига қарши содир этилган барча жиноятлар, шунингдек оғир ва ўта оғир жиноятларни содир этган Ўзбекистон фуқаролари, хориж фуқаролари ва фуқаролиги бўлмаган шахслар;
- Терговга қадар текширувда, тергов пайтида ва суд жараёнида олинган биологик материаллар;
- Бедарак йўқолган кишиларнинг биологик қариндошларига тегишли биологик материаллар;
- Ҳарбий хизматга чақирилган, ички ишлар органларида, ДХХ, Мудофаа вазирлиги, Миллий гвардия, Давлат божхона қўмитаси, Фавқулодда вазиятлар вазирлиги, прокуратура органларида хизмат ўтаётган шахслар ҳамда касби инсон ҳаёти учун хавф соладиган Ўзбекистон фуқаролари (Уларнинг рўйхати Вазирлар Маҳкамаси томонидан шакллантирилади)
- Шахси аниқланмаган жасадлар (тана қолдиқлари)
Изоҳ (0)