НАТО кемалари гуруҳи Қора денгизга кирди
Кемалар Украина ва грузиялик ҳамкорлар билан ўқув машғулотларида иштирок этади, дея хабар беради «Zakon.kz».
НАТО ҳарбий кемалари Дарданелла ва Босфор кўрфазидан ўтиб, Қора денгизга кирган. Уларнинг фотосуратлари Twitter’га жойлаштирилган.
«Эверцен», «Санта Мария», «Торонто», «Йилдирим», «Режеле Фердинанд» ва «Дръзки» кемалари «Денгиз қалқони» операциясини сабрсизлик билан кутмоқда», — дейилади хабарда.
«Эверцен» минаташувчиси Нидерландияга, «Торонто» кемаси — Канада, «Санта Мария» — Испания, «Йилдирим» — Туркияга, «Режеле Фердинанд» — Буюк Британияга, «Дръзки» — Болгарияга тегишли.
1936 йилги Монтре Халқаро конвенциясига кўра, Қора денгизга тегишли бўлмаган кемалар унинг акваториясида 21 кундан ортиқ бўлиш ҳуқуқига эга эмас.
Бу сўнгги бир неча ой ичида НАТО кемаларининг Қора денгизга биринчи ташрифи эмас. Февраль ойи охирида Қора денгиз сув ҳавзасида ўзининг кузатувчилар гуруҳи билан америкалик қирувчи «Дональд Кук» бўлган.
