Солиқ тўловчи қайд этилган манзилда бўлмаса, шунингдек солиқ ва молиявий ҳисоботларни вақтида топширмаса, солиқ хизмати органлари банклардаги ҳисобварақлар бўйича операцияларни тўхтатиб қўяди. Бу ҳақда Адлия вазирлиги томонидан ўтказилган брифингдан келтирилган маълумотларга асосланиб «Дарё» мухбири маълум қилди.
«Банклардаги ҳисобварақлар бўйича операцияларни тўхтатиб туриш ваколати Солиқ органларига берилиши тадбиркорни ортиқча вақт сарфлаш ва ортиқча чиқимлардан халос этмоқда. Илгари тадбиркор ҳуқуқбузарликни содир этса, даъво аризаси киритилган ва суд тартибида чоралар кўрилган. Бу тадбиркорнинг оворагарчилигига ва почта харажатларини қоплашга олиб келган» — дейди Давлат солиқ қўмитаси давлат солиқ бош инспектори Убайдулла Нуриддинов
Брифингда таъкидланишича, давлат органларига тадбиркорлардан ҳужжатларни муҳр билан тасдиқлаш ёки ҳужжатларга муҳр босиш талаби бекор қилиган.
Изоҳ (0)