Канадалик хонанда Жастин Бибер саҳнани тарк этмоқда

Канадалик хонанда Жастин Бибер маълум муддат мусиқа яратиш билан шуғулланмаслигини айтди, деб хабар берди «Газета.ru».

Унинг сўзларига кўра сўнгги альбомига бағишланган тур ишончни оқламаган. Хонанда тур концертлари кутилганидек чиқмагани ва мухлисларга ҳиссий қувват бера олмаганини тан олди.

«Мен қидирувда эдим. Кўпчилик сингари хатолар ва уриниб кўриш йўли билан изладим. Ҳозир эса бир нечта чуқур муаммоларни бартараф этишга диққатимни жалб қилмоқчиман. Шунингдек никоҳимни ҳам сақлаб қолиб, ўзим истагандек ота бўлмоқчиман», — дейди Бибер.

Хонанданинг қўшимча қилишича, унинг учун оила ва саломатлик биринчи ўринда. Шунингдек у мухлисларига ижодга қайтишга ваъда берди.