Навоий кон-металлургия комбинати ва «Ўзбеккўмир» АЖга яқин уч ой ичида 20 та янги роботлаштирилган БелАЗ юк машинаси келтирилади. Бу ҳақда «Podrobno.uz» хабар бермоқда.
Машиналарда ўрнатилаётган «Карьер» автоматлаштирилган бошқарув тизими ишлаб чиқариш самарадорлигини 5—15 фоизга оширади. Техника эксплуатацияси харажатларининг қисқариши 8 фоизни ташкил этади. Технологик жараёнлар билан боғлиқ бўлмаган тўхтаб туришлар давомийлиги 80 фоизгача қисқаради.
Тизим йиллик қазиб олиш ҳажми 10 миллион тоннадан ошиқ корхоналарда йилига ўртача 1,3 миллион доллар иқтисод қилишга ёрдам беради. Мазкур тизим ҳозирги кунда 70 дан ортиқ конда қўлланмоқда.
Изоҳ (0)