«Севги изтироби» сериалидаги Амир образи билан ўзбек томошабинларига яхши таниш туркиялик актёр Каан Урганжи ўғли Тошкентга ташриф буюргани ҳақида хабар берилган эди.
«Барон 2» фильми режиссёри Рустам Саъдиевнинг маълум қилишича, Каан фильмнинг Ўзбекистондаги ўзи билан боғлиқ саҳналари суратга олиниб бўлгунига қадар Тошкентда бўлади.
Туркиялик актёр Тошкент шаҳридаги бир нечта диққатга сазовор жойлар, жумладан Темурийлар тарихи давлат музейи, Амир Темур хиёбонида бўлди. Актёр Наврўз сайллари ўтказилаётган майдонда ҳам бўлиб, ушбу байрамни нишонлаш жараёни билан танишди.
https://www.instagram.com/p/BvSbAomBHkk/
Каан «Севги изтироби»да ўзини ўзбек тилида гапиртирган актёр Алишер Узоқов билан учрашди ҳамда яқиндан танишди. Алишер Узоқов Instagram’даги саҳифасида бу учрашув ҳақида «Мен дунёдаги энг бахтли актёрман», деб ёзди.
https://www.instagram.com/p/BvUnVwwhtgk/
Изоҳ (0)