Венесуэла ҳукумати 18 март куни мухолифат вакиллари томонидан Қўшма Штатлардаги дипломатик ваколатхоналари эгаллаб олинганини маълум қилган, дея хабар беради «Коммерсантъ».
Каракас Вашингтондан ушбу биноларнинг ишғол қилинишини тўхтатиш учун чоралар қабул қилиш бўйича қонуний мажбуриятларни бажаришини талаб қилмоқда. Акс ҳолда Венесуэла «Венесуэла ҳудудида ҳам жавобан худди шундай ҳаракатлар» қилиш ҳуқуқини ўзида қолдиради.
Эслатиб ўтамиз, январь ойи охирида Венесуэла Миллий Ассамблеяси раиси Хуан Гуайдо ўзини президент вазифасини бажарувчи деб эълон қилган. У Америка Қўшма Штатлари, бир нечта Лотин Америкаси давлатлари ва кўплаб Европа давлатлари томонидан қўллаб-қувватланган. Россия, Хитой, Туркия ва Куба Николас Мадурони қонуний президент деб билади.
Изоҳ (0)