Шаҳобиддин Зоировнинг профессионал боксдаги дебют жанги қачон ва қаерда ўтказилиши маълум қилинди. Бу ҳақда «Оламспорт» хабар берди.
Зоиров иштирокидаги жанг 5 апрель куни БААнинг Дубай шаҳрида ўтказилиши кутилмоқда. Kite Beach’да ўтказиладиган профессионал бокс оқшоми USA ESPN+ телеканали орқали эфирга узатилади. Тез орада Шаҳобиддиннинг рақиби ҳам эълон қилинади.
Эслатиб ўтамиз, аввалроқ Рио-2016 Олимпиадаси чемпиони Шаҳобиддин Зоиров фаолиятини профессионал боксда давом эттириши ҳақида хабар берилганди.
Бухоролик боксчи Буюк Британиянинг машҳур MTK Global промоутерлик компанияси билан шартнома имзолади ва янги жамоаси билан бирга Испанияда ўқув-машғулот йиғинини ўтказишга ҳам улгурди.
Маълумот учун, супероғир вазн тоифасидаги собиқ жаҳон чемпиони британиялик Тайсон Фьюри, шунингдек, Мартин Мюррей, Билли Жо Сондерс сингари боксчилар ҳам MTK Global промоутерлик компанияси мижози ҳисобланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)