15 март куни бўлиб ўтган Humo Arena кўп тармоқли муз саройининг очилиш маросимида россиялик таниқли хонанда Дима Билан оёғини икки жойидан синдириб олгани ва оқсоқланишига қарамай иштирок этди, деб хабар берди «Дарё» мухбири Севара Нишонова.
Билан ўзбекистонлик мухлислари билан қизиқ ҳолатда кўришиб тургани, аммо шундай бўлса ҳам учрашувдан боши осмонга етганини маълум қилди. Маросим меҳмонлари Дима Биланни олқишлар ва қийқириқлар билан қарши олди.
Хонанда 23 февраль куни муз устида учаётганида оёғини синдириб олган эди. Шундан сўнг Биланнинг оёғи операция қилиниб, темир пластинка ўрнатилган.
Хонанда ушбу ҳолатга қарамай белгиланган концертларини бекор қилмади. Ҳатто операциядан бир кун аввал ҳам Санкт-Петербург шаҳрида концерт берган.
Билан дастлаб мухлисларига рақсбоп «Держи» қўшиғини ижро этиб берди. Сўнг анча йиллар аввал яратилган ва хонандага мислсиз шуҳрат келтирган «На берегу неба» таронаси янгради.
Хонанда Тошкентдаги чиқиши таассуротлари билан Instagram’даги саҳифасида қуйидагича ўртоқлашди:
https://www.instagram.com/p/BvCGTWdlbCr/
Тадбир бошловчиси Николай Басков Дима Биланга «Тошкент қуёши ва мухлислар меҳри унинг оёғи тузалишига албатта ҳисса қўшиши»ни айтиб ўтди.
Изоҳ (0)