GM Uzbekistan харидорларга қулайлик яратиш мақсадида қўшимча қурилма ва опциялар танлаш имконини тақдим этади. Бу ҳақда компания матбуот хизмати «Дарё»га маълум қилди.
GM Uzbekistan компанияси 2019 йилнинг март ойидан янги опцияли автомобилларни ишлаб чиқаришни синов тариқасида йўлга қўйди. Харидорлар янги опцияли автомобиллар учун жорий йилнинг 15 март кунидан эътиборан расмий дилерлар орқали шартнома тузишлари мумкин бўлади. Март ойида шартнома тузган харидорларнинг янги опсияли илк автомобиллари 2019 йилнинг июнь ойида етказиб берилади.
Янги автомобиль опциялари модификациясига қараб қуйидаги опцияларни ўз ичига олади:
- Ўриндиқ ва олд ойналарни иситиш;
- Рулнинг чарм қопламаси;
- Қўшимча шовқин изоляцияси;
- Радиаторнинг хром билан қопланган панжараси;
- Масофадан бошқариладиган орқа кўриниш ойнаси;
- Электрон турғунлик тизими;
- Шина босими мониторинги тизими ва бошқалар.
2019 йилда янгиланган қўшимча опциялар рўйхати ҳамда улар билан жиҳозланадиган автомобиллар сони ортиб боради.
Батафсил маълумотларни компаниянинг расмий сайти ва дилерларидан олиш мумкин бўлади.
Изоҳ (0)