Фарғона вилоятининг Қўқон шаҳрида яшовчи Ёрқинжон Омонбоев ИИБга мурожаат қилиб, шу йил 4 март куни бирга яшовчи ўғли 22 ёшли Жасурбек Даминов давлат рақами 40 У 050 ҚА бўлган Lacetti автомашинасида уйидан номаълум томонга чиқиб кетиб, бедарак йўқолганлигини маълум қилди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Олиб борилган қидирув ишлари натижасида автомашина Қўқон шаҳар, Чархий кўчасида жойлашган автомашиналарни ювиш шохобчасидан техник соз ҳолда топилди.
Ж.Д.ни қидириб топиш чоралари кўрилган. Суриштирув ишлари олиб борилмоқда. Ушбу шахс ва унинг автомобили ҳақида маълумотга эга бўлганлардан бу ҳақда ички ишлар идораларига хабар беришлари сўралган.
Изоҳ (0)