Ироқда ИШИДга қурол-яроғ етказиб берувчи асосий шахслардан бири қўлга олинди

Ироқ ҳарбий разведкаси мамлакат шимолида ИШИД террорчилик гуруҳига қурол-яроғ етказиб берувчи асосий шахслардан бири қўлга олинганлигини маълум қилди. Бу ҳақда ҳарбий разведка бошқармаси баёнотига таяниб, «Корреспондент.net» хабар бермоқда.

«Maxсус операция давомида Найнав вилояти тезкор қўмондонлик ҳарбий разведка хизмати отрядлари хавфсизлик масалаларини назорат қилган ИШИД раҳбарияти аъзоларидан бирини қўлга олди», — дейилади хабарда.

Бошқарманинг аниқлик киритишича, қўлга олинган ИШИД аъзоси Спайкер авиабазасидаги қирғинда иштирок этган энг хавфли террорчилардан бири ҳисобланади. У, шунингдек, ИШИДни таъминлаб турган асосий қурол-яроғ савдогаридир.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.