Ўзбекистонда спортнинг техник-амалий турлари бўйича мусобақалар ғолиблари ҳам ОТМларга тест синовларисиз кирадиган бўлди

Ҳукумат қарори билан халқаро ва республика олимпиадалари, танловлари, мусобақалари ғолиблари бўлган академик лицейлар, касб-ҳунар коллежлари ва умумтаълим мактаблари ўқувчиларини тақдирлаш тартиби тўғрисидаги низомга қўшимчалар киритилди. Бу ҳақда «Ҳуқуқий ахборот» канали маълум қилди.

Киритилган қўшимчаларга мувофиқ, спортнинг техник ва амалий турлари, автомобиль ва мотоцикл спорти, авиамодель ва ракетамодель бўйича республика мусобақаларида биринчи, халқаро мусобақаларда биринчи, иккинчи, учинчи ўринларни эгаллаган ўқувчилар олий таълим муассасаларига тест синовларисиз ва қўшимча имтиҳонларсиз ўқишга қабул қилинади.

Илгари бу имтиёз фақат спортнинг олимпия турлари, кураш, шахмат-шашка бўйича мусобақа ғолибларига берилган.