Мактабгача таълим вазирлигида Жанубий Кореянинг EBS телерадиокомпанияси билан вакиллари билан учрашув бўлиб ўтди. Бу ҳақда вазирлик матбуот хизмати маълум қилди.
Учрашув чоғида болалар учун таълим телеканали ташкил этиш истиқболлари, мактаб ёшигача бўлган болалар учун замонавий таълим медиа-контентлари яратиш имкониятлари, малакали медиа-мутахассислар тайёрлаш масалалари муҳокама қилинди.
Шунингдек, таълимий дастурлар сақланувчи дата-марказ ташкил этиш, вазирлик мутахассисларини Кореянинг таълимий дастурлар узатувчи тизимида амалиёт ўташ имкониятлари кўриб чиқилди.
Вазирлик бош бошқарма бошлиғи Елена Тенга кўра, EBS мутахассисларининг интерактив таълим контентларини яратишдаги тажрибасига эътибор қаратилмоқда. Томонлар апрель ойида ўзаро англашув меморандуми имзолаши кутилмоқда.
Маълумот учун, EBS 1980 йилда ташкил этилган бўлиб, айни кунда ўз ичига 8 та телеканал ва қатор Youtube каналларини олган.
Изоҳ (0)