Россия тергов қўмитаси ўзбекистонлик Б.М.га нисбатан жиноят ишини ўрганишни тўхтатди, эркак бешта қотилликни содир этганликда айбланмоқда. Бу ҳақда Россия Тергов қўмитаси матбуот-хизмати хабар бермоқда, деб ёзади Sputnik.
Тергов версиясига кўра, 2015 йил январь—апрель ойлари оралиғида М. Москва ва Москва вилоятида қатор қотилликларни содир этган. У кимсасиз жойлар ва хиёбонларда аёлларга ташланган.
«Хусусан, 2015 йилнинг 17 мартида у Измайлово паркида ити билан сайр қилиб юрган 35 яшар нотаниш аёлни учратган. Атрофда одамлар йўқлигига ишонч ҳосил қилгач, аёлнинг юрак қисмига икки марта пичоқ урган, жабрдийда ҳодиса жойида вафот этган», — дейилади қўмита хабарида.
Муҳожир шунингдек, ўз қурбонларини кейинчалик уларни ўмариш мақсадида, дўконлар атрофида ҳам таъқиб қилган. Маньяк ўз қотилликларини кундузи ва кечаси содир этган. Ҳар сафар ўз қурбонларига тилинган ва кесилган жароҳатлар етказган.
Қотил бир неча йил давомида одил судловдан бошқа мамлакатда яширинишга муваффақ бўлган, аммо 2017 йилнинг декабрида Москвага экстрадация қилинган.
Экспертиза ўтказилиши давомида, психологлар ва бошқа мутахассислар М. руҳиятида муаммолар мавжудлигини тасдиқлаган ва у жуда асабий деган хулосага келган. М. жуда қизиққон, қасоскор бўлган, аёлларга нисбатан унда шахсий адоват бўлган.
У дастлабки тергов вақтида барча содир этган жиноятларини тўлиқ бўйнига олган. Жиноят иши тасдиқланган айблов хулосаси билан судга йўналтирилган.
Изоҳ (0)