Қашқадарё вилоят Адлия бошқармаси бошлиғи ўзгарди. Бу ҳақда «Дарё»га вилоят Адлия бошқармаси ҳуқуқий тарғибот ва маърифат бўлими хабар бермоқда.
Музраф Икромов бугун, 4 март куни янги жамоага таништирилди.
Бошқармага Ўзбекистон Ҳисоб палатаси раиси Музраф Икромов тайинланган. Хабарга қўшимча қилинишича, айни кунгача Қашқадарё вилояти Адлия бошқармаси бошлиғи лавозимида ишлаб келган Салоҳиддин Нуриев Самарқанд вилояти Адлия бошқармасига раҳбар этиб тайинланган.
Маълумот ўрнида Музраф Икромов 2015—2017 йилларда Адлия вазири сифатида фаолият юритган. Ўзбекистон Президентининг 2017 йил 14 августдаги фармони билан Ҳисоб палатаси раиси этиб тайинланган эди.
Изоҳ (0)