Бугунги кунда мамлакатда суғурта бозорининг кескин суръатлар билан ривожланиб боришига гувоҳ бўлиш мумкин. Давлат томонидан суғурта тизимида ислоҳотларни жадаллаштириш, республикада ривожланган суғурта инфратузилмасини яратиш борасида салмоқли қадамлар ташланмоқда.
Суғурта фаолиятининг иқтисодиёт барқарорлигини таъминлаш ҳамда бозор муносабатлари шароитида уни ривожлантириш муҳимлигини ҳисобга олиб, ҳукумат мунтазам равишда суғурта секторини ривожлантиришни қўллаб-қувватламоқда.
Бу ижобий ўзгариш жараёнлари халқаро ҳамжамият эътиборидан четда қолмаяпти.
S&P Global Ratingс ва Fitch Ratings халқаро рейтинг ташкилотлари барқарор прогнозлари билан «BB-» даражасидаги Ўзбекистоннинг илк халқаро суверен кредит рейтингларини белгилади. Натижада жорий йилнинг январь ойида Fitch Ratings халқаро рейтинг агентлиги томонидан «KAFOLAT sug‘urta kompaniyasi» АЖга берилган «B+» даражасини «BB-» (барқарор) даражасига кўтаришига туртки бўлди.
«KAFOLAT sug‘urta kompaniyasi» AJ Ўзбекистон суғурта бозорини етакчи суғурта бозорларида танитиш ҳамда ҳалқаро суғурта оламида ўз ўрнига эга бўлиш мақсадида бир қатор ишларни амалга оширди.
Жумладан, компания ҳодимлари томонидан суғуртанинг «юраги» ҳисобланган, Буюк Британиянинг пойтахти - Лондонда жойлашган «International Underwriting Association of London» (IUA) вакиллари билан олиб борилган музокаралар натижасида «KAFOLAT sug‘urta kompaniyasi» AJ Ўзбекистон суғурта компаниялари ичида биринчи бўлиб ушбу Халқаро ассоциациянинг аъзолари сафига киришга эришди.
Ушбу Ассоциация 1998 йил 31 декабрда Лондоннинг халқаро суғурта ва қайта суғурта бозори Ассоциацияси (LIRMA) ва Лондон суғурталовчилар Институти (the Institute of London Underwriters) бирлашуви натижасида юзага келган.
Ассоциация аъзолари Лондоннинг суғурта ва қайта суғурта бозоридаги барча етакчи компаниялари ҳисобланади, ушбу суғурта компанияларнинг йиллик суғурта мукофоти миқдори 10 млрд. фунт стерлингдан кам эмас.
IUA’га аъзо бўлиш «KAFOLAT sug‘urta kompaniyasi» AJ учун қатор имкониятларни яратади, жумладан:
- Халқаро алоқаларни ривожлантириш;
- Халқаро Андеррайтинг Ассоциациясининг интернет саҳифаси ва нашрларида «KAFOLAT sug‘urta kompaniyasi» AJ’нинг аъзо сифатида танилиши;
- Ҳар йили июнь ойида Лондонда IUA томонидан ташкил этиладиган Ассоциация аъзолари билан бирга йиллик учрашувда иштирок этиш;
- Дунё суғурта бозори ҳақида статистик маълумотлар билан танишиш.
Реклама ҳуқуқи асосида.
Изоҳ (0)