«Ўзбекистон темир йўллари» АЖ матбуот хизматининг маълум қилишича, жорий йил «Қорабайир отчилик мажмуаси» унитар корхонасига Қозоғистон ва Қирғизистондан 60 бош, Россиядан эса 30 бош зотдор тулпор келтирилади.
Қашқадарё вилоят ҳокимлиги матбуот хизмати раҳбари Бекзод Маматқуловнинг «Дарё»га қўшимча қилишича, айни пайтда мажмуада тренажёр заллари, отларни парваришлаш учун қишки ва ёзги махсус ҳудудлар барпо этилмоқда. Маълум бўлишича, эндиликда темирйўлчилар томонидан қисқа фурсат ичида «Қорабайир отчилик мажмуаси» унитар корхонаси фаолиятини ривожлантириш ва тубдан такомиллаштириш бўйича бир қанча лойиҳалар амалга оширилади.
Президентнинг 2019 йил 18 февралдаги қарори билан Яккабоғ туманидаги «Шўртан газ кимё мажмуаси» масъулияти чекланган жамиятига қарашли «Қорабайир отчилик мажмуаси» унитар корхонаси «Ўзбекистон темир йўллари» акциядорлик жамияти тасарруфига ўтказилган эди.
Бундан аввал Яккабоғдаги «Қорабайир отчилик мажмуаси» унитар корхонасида боқилаётган отларнинг аҳволи, уларнинг биз кўрган, эшитган зотдор отларга сира ўхшамаслиги ОАВда танқид қилинганди.
Изоҳ (0)