АПЛ. «Тоттенҳэм» бугун «Арсенал»ни меҳмон қилади, «Манчестер Сити» эса «Борнмут» майдонига сафар қилади
2 март, шанба куни футбол бўйича Англия премьер лигасининг 29-тур баҳслари бошланади.
Турнинг дастлабки ўйини «Уэмбли» стадионида бўлиб ўтади. Унда Лондоннинг икки клуби «Тоттенҳэм» ҳамда «Арсенал» тўқнаш келади. Ўйинга Тошкент вақти билан 17:30 да старт берилади.
Маълумот учун, «шпорлар» 60 очко тўплаган ҳолда мусобақа жадвалида 3-ўринда бормоқда. «Тўпчилар» эса 56 очко билан 4-поғонани банд қилган.
Хосеп Гвардиола қўл остидаги «Манчестер Сити» клуби сафарда «Борнмут» жамоасини синовдан ўтказади.
Шу куни Оле-Гуннар Сульшер бошлиқ «Манчестер Юнайтед» эса ўз майдонида «Саутҳэмптон»ни қабул қилади. Иккала беллашув ҳам 20:00 да бошланади.
3 март, якшанба куни Лондоннинг бошқа бир клуби «Челси» меҳмонда «Фулҳэм» билан кураш олиб боради. Учрашув 19:05 да бошланиши белгиланган.
Турнинг сўнгги ўйинида мусобақа жадвалида етакчилик қилаётган Юрген Клопп бошлиқ «Ливерпуль» «Эвертон»га қарши майдонга тушади. Баҳсга соат 21:15 да старт берилади.
28-турдан сўнг мусобақа жадвалидаги ҳолат:
АПЛ
29-тур баҳслари
2 март, шанба
«Тоттенҳэм»—«Арсенал» 17:30
«Вулверҳэмптон»—«Кардифф» 20:00
«Борнмут»—«Манчестер Сити» 20:00
«Манчестер Юнайтед»—«Саутҳэмптон» 20:00
«Бёрнли»—«Кристал Пэлас» 20:00
«Бёртон»—«Ҳаддерсфилд» 20:00
«Вест Ҳэм»—«Ньюкасл» 22:30
3 март, якшанба«Уотфорд»—«Лестер» 17:00
«Фулҳэм»—«Челси» 19:05
«Эвертон»—«Ливерпуль» 21:15
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
