Миллиардер Алишер Усмонов «Обод қишлоқ» дастурини амалга ошириш учун Наманган вилоятига 50 миллион доллар ажратди. Бу ҳақда Шавкат Мирзиёев Наманганда бўлиб ўтган фаоллар йиғилишида маълум қилди, дея хабар беради «Дарё» мухбири.
— Буни бир хамиртуруш десак ҳам бўлади. У киши Наманганда замонавий бизнес марказ ва бизнес мактаб ҳам қуриб беради. Дунёга машҳур тадбиркор ўзига ўхшаш ёшларни тарбиялашда ёрдам беради. Бунинг учун хориждан мутахассислар таклиф этилади, — деди давлат раҳбари.
Президент иқтисодиётни юксалтириш, аҳоли турмуш шароитини яхшилаш мақсадида Наманган вилоятидаги ҳар бир туманга 25 миллиард сўмдан ажратилишини билдирди.
Изоҳ (0)