Шавкат Мирзиёевнинг Туркия президенти Ражаб Тоййиб Эрдўғон билан телефон орқали мулоқоти бўлиб ўтди. Бу ҳақда Президент матбуот хизмати маълум қилди.
Суҳбат аввалида давлат раҳбари Туркия президентини таваллуд куни билан самимий табриклаб, энг эзгу тилакларини билдирди.
Давлат раҳбарлари Ўзбекистон билан Туркия ўртасидаги дўстлик, стратегик шериклик ва ўзаро манфаатли ҳамкорлик муносабатлари тобора мустаҳкамланиб бораётганини алоҳида мамнуният билан қайд этди.
Президентлар сиёсий, савдо-иқтисодий, инвестициявий, молиявий, маданий-гуманитар ва бошқа соҳаларда олий даражада эришилган келишувларни кенг миқёсда амалга ошириш муҳимлигини қайд этди.
Мулоқот сўнгида давлат раҳбарлари Ўзбекистон билан Туркия ўртасидаги стратегик шерикликни янада мустаҳкамлаш ва кўп қиррали ҳамкорликни кенгайтиришга тайёрлигини яна бир бор тасдиқлади.
Маълумот учун, 26 февраль куни Ражаб Тоййиб Эрдўғон 65 ёшга тўлди.
Изоҳ (0)