Ижтимоий тармоқларларда Тошкентда Spark ҳайдовчиси автомобили капоти устида кимнидир сайр қилдиргани акс этган видео тарқалган, фойдаланувчилар капот устида йигити билан жанжаллашган қиз бўлса керак деб тахмин қилганди.
Тошкент шаҳар ИИББ уларнинг шахсини аниқлади.
Маълум бўлишича, 23 февраль куни пойтахтнинг Нукус кўчасида 20 яшар Spark ҳайдовчиси Лаура Ш. автомобили капотида таниши Николай П.ни «сайр қилдирган». Бу билан унинг ҳаётини хавф остига қўйган, шунингдек, йўл ҳаракатининг бошқа қатнашчилари учун қалтис вазиятни келтириб чиқарган.
Мазкур ҳолат юзасидан ҳайдовчи Лаура Ш.га нисбатан Маъмурий жавобгарлик тўғрисидаги кодекснинг 128-моддаси («Ҳайдовчилар томонидан йўл ҳаракати қоидаларининг бузилиши»), Николай П.га нисбатан эса 138-моддаси («Пиёдалар томонидан йўл ҳаракати қоидаларининг бузилиши») билан баённомалар тузилди.
Изоҳ (0)