Ўзбекистоннинг АҚШдаги элчихонаси ҳамда UPF компанияси ташаббуси билан Пенсильвания штатининг Филадельфия шаҳрида Ўзбекистон ҳамда АҚШнинг UPF компанияси билан ҳамкорликда суратга олиш режалаштирилаётган лойиҳалар тақдимоти ўтказилди.
Бу ҳақда режиссёр Жаҳонгир Аҳмедов журналист Феруз Муҳаммадга берган интервьюсида маълум қилди.
АҚШнинг UPF кинокомпанияси продюсери Даниэл Тутт бошчилигидаги бир гуруҳ ижодкорлар 10—20 январь кунлари ижодий ташриф билан Ўзбекистонда меҳмон бўлишганди. Ташрифдан кўзланган асосий мақсад Ўзбекистон киноижодкорлари билан ижодий ҳамкорликни йўлга қўйиш бўлиб, сафар сўнгида UPF ва «Ўзбеккино» МА ўртасида англашилув мемарандуми имзоланган эди.Ўзаро ҳамкорлик бўйича сўнгги конференция Ўзбекистоннинг АҚШдаги элчихонаси ташаббуси билан Пенсильвания штатининг Филадельфия шаҳрида бўлиб ўтди. Тадбирни Ўзбекистоннинг АҚШдаги элчихонаси раҳбари ўринбосари Қадамбой Султонов очиб бердилар. Тадбирда Ўзбекистон билан ҳамкорликда суратга олиш режалаштирилаётган лойиҳалар тақдимоти ўтказилди. Тадбир давомида Даниэл Тутт билан биргаликда кинолойиҳалар, уларнинг мазмун ва моҳияти билан йиғилганларни таништирдик.
UPF кинокомпанияси билан учта — битта бадиий фильм, битта кўп қисмли туркум бадиий-публицистик фильм ҳамда битта Ўзбекистоннинг туризм салоҳиятини тарғиб қилувчи қисқа фильм суратга олишга келишдик. Мазкур лойиҳалар бюджети 80% UPF компанияси, 20% эса Ўзбекистон томонидан қопланади.
Жаҳонгир Аҳмедов, режиссёр
Изоҳ (0)