Тошкент ҳокимлиги Консерваториянинг эски биноси бузилмаслигини маълум қилди

Тошкент шаҳар ҳокимлиги ижтимоий тармоқларда Ўзбекистон Давлат Консерваториясининг Мирзо Улуғбек тумани, Мустақиллик шоҳ кўчасида жойлашган эски биноси бузиб ташланиши ҳақида тарқалган миш-мишлар юзасидан маълумот берди.

«Тошкент шаҳар ҳокимияти ва Mirzo Ulugbek Business city дирекцияси расман маълум қиладики, ушбу тарихий бинони бузиш ҳеч қачон режалаштирилмаган», — дейилади хабарда.

Шунингдек, пойтахт  маъмурияти ўзбекистонликларни ўз вақтларини миш-мишларга сарфламасдан, юзага келган саволларга ойдинлик киритиш учун Тошкент шаҳар ҳокимлиги телефон рақами (71 210 01 63)га қўнғироқ қилишга чақирган.