Бугун,

  • USD 11095.31
  • RUB 173.84
  • EUR 10772.44

Тошкентдаги Hyatt Regency Tashkent меҳмонхонасида бугун, 21 февраль куни Марказий ва Жанубий Осиё мамлакатлари Қуролли Кучлари бош штаби бошлиқлари иштирокида бўлиб ўтган анжуман ўз ишини якунлади. Анжуман якунида АҚШ Қуролли Кучлари Марказий қўмондонлиги қўмондони Жозеф Вотел журналистларга баёнот берди. Бу ҳақда Мудофаа вазирлиги матбуот химати «Дарё»га маълум қилди.

Фото: Мудофаа вазирлиги матбуот хизмати

Фото: Мудофаа вазирлиги матбуот хизмати

«Марказий ва Жанубий Осиё мамлакатлари бош штаб бошлиқлари иштирок этган ушбу анжуманни ташкиллаштиришда беғараз ёрдам кўрсатган Ўзбекистон Президенти ҳамда Мудофаа вазирлигига миннатдорчилик билдираман.

Мазкур анжуманни ўтказишда Ўзбекистоннинг АҚШ Қуролли Кучлари Марказий қўмондонлигига кўрсатаётган ёрдами Марказий ва Жанубий Осиёда хавфсизлик ва барқарорликни таъминлаш йўлида муҳим рол ўйнайди. Минтақада хавсфизликни таъминлаш ҳамда барқарорлик учун таҳдидларга курашиш мақсадида йиғилган Марказий ва Жанубий Осиё мамлакатларидан ҳам миннатдорман.

Менга ҳамда қуролли кучлар бош штаб бошлиқларига меҳмондўстлиги билан ҳурмат кўрсатган Ўзбекистон халқига ҳам раҳмат деб қоламан», — дейди ўз баёнотида Жозеф Вотел.

Таъкидлаш керакки, анжуман қатнашчилари Афғонистондаги вазиятни барқарорлаштириш, шунингдек, терроризм, гиёҳванд моддалар савдоси ҳамда кибержиноятчиликка қарши курашиш масалаларини муҳокама қилиб, унга ижобий ечим топиш йўлида нималарни амалга ошириш лозимлигини белгилаб олдилар.

Изоҳ
Асосий янгиликлар
Спорт
Мессининг “Барселона”га қайтиш эҳтимоли бор. Хави ва Лео доимий алоқада бўлиб турибди 
Маҳаллий
Фарғонада Қирғизистондан келтирилган психотроп моддалар савдоси билан шуғулланганлар ушланди
Маҳаллий
Қашқадарё вилоятида қурилган намунали уйлар қулаб тушиш арафасида экани айтилмоқда (видео)