20 февраль, чоршанба куни футбол бўйича Европа Лигасининг 1/16 финали доирасида битта жавоб учрашуви бўлиб ўтади.
Испания чемпионатининг 24-турида йирик ҳисобда мағлубиятга учраган Пабло Мачин бошқарувидаги «Севилья» клуби ўз майдонида Симоне Инзаги бошлиқ Римнинг «Лацио» жамоаси билан баҳсга киришади. Беллашув Тошкент вақти билан 22:00 да старт олади.
Эслатиб ўтамиз, мазкур босқичнинг дастлабки ўйинида испанлар меҳмонда «Лацио»ни кичик ҳисобда мағлуб этганди.
Европа Лигаси
1/16 финал баҳси
20 февраль, чоршанба
«Севилья»—«Лацио» 22:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)