Қозоғистон Ўзбекистондан анор мевасини олиб киришни вақтинчалик тақиқлади

19 февралдан бошлаб Қозоғистон ўз ҳудудига Ўзбекистондан анор мевасини олиш келишни вақтинчалик тақиқлади. Бу ҳақда Қозоғистон қишлоқ хўжалиги вазирлиги матбуот хизматига таяниб, «Халқ сўзи» хабар берди.

Сабаби — сўнгги пайтларда инспекторлар бундай меваларда зараркунандалар, жумладан, Комсток қурти борлигини аниқлаган.

Жумладан, шу йилнинг сўнгги ойида Ўзбекистон ҳудудидан карантин объекти — Комсток қурти билан зарарланган анор олиб келиш билан боғлиқ иккита ҳолат аниқланган.

Маълумот учун, Комсток қурти (Psiudococcus comstocki Huw.) коксидиялар кенжа туркумига кирадиган ҳашарот бўлиб, ички ва ташқи карантин объекти ҳисобланади. Сабаби танаси оқ мумсимон парда билан қопланган ушбу қурт ўсимликларнинг танаси, поялари, шохлари, барглари, куртаклари, шона, ғунча, гуллари, меваларига зарар етказади.