Қуролли Кучлар академиясининг курсантлари томонидан ижро этилган Бобур ҳаётини ўзида акс эттирувчи саҳна кўриниши барчанинг олқишига сазовор бўлди. Бу ҳақда Мудофаа вазирлиги матбуот хизмати хабар берди.
Академия ҳаваскор ижодий гуруҳи Бобурнинг ўз юртини ташлаб Афғонистонга кетишга мажбур бўлганлигини, Иброҳим Лоди билан жанги ва ундан кейин Ҳиндистонда кечган ҳаётини маҳорат билан саҳналаштирди.
Бундан ташқари, Чирчиқ олий танк умумқўшин-қўмондонлик билим юртида ҳарбий хизматчиларнинг фарзандлари ўртасида «Энг зукко китобхон» кўрик-танлови ўтказилди.
Заҳириддин Муҳаммад Бобур ҳаёти ва ижодига оид савол-жавобларда фаол қатнашган ўқувчи ёшлар Ўзбекистон ёшлар иттифоқи, билим юрти раҳбарияти томонидан фахрий ёрлиқ ва эсдалик совғалари билан тақдирланди.
Изоҳ (0)