Ўзбекистон матбуот ва ахборот агентлигида «Миллий эстрада санъатининг аҳволи, айниқса, ёшлар маънавиятининг юксалтиришдаги ўрни ва аҳамияти» мавзусида матбуот анжумани бўлиб ўтди. Унда «Ўзбекконцерт» раҳбарияти, соҳа вакиллари, ОАВ ходимлари қатори «Дарё» мухбири Феруз Муҳаммад ҳам иштирок этди.
Матбуот анжуманида «Ўзбекконцерт» директори Одилжон Абдуқаҳҳоров Жаҳонгир Позилжоновнинг «Президентим билан селфи» қўшиғи билан боғлиқ муаммоли вазиятга ойдинлик киритди.
Жаҳонгир Позилжоновнинг «Президентим билан селфи» қўшиғи жамоатчиликнинг эътирозларига сабаб бўлди. Жаҳонгир Позилжоновнинг «Президентим билан селфи» қўшиғи Zo‘r TV канали билан тайёрланган лойиҳа сифатида эфирга берилди. Бу қўшиқ Бадиий кенгашга топширилмаган. Биз қўшиқ айцин, ёки айтмасин демаймиз. Лекин бир нарсани тўғри тушунишлари керакки, Президент санъаткорларнинг рекламасига муҳтож эмас. Ўз-ўзидан кўриниб турибди, амалий ишлар натижасида Президентимизни нафақат Ўрта Осиё, балки бутун дунё тан олмоқда. Президентимиз фаолиятларини бошлаган дастлабки вақтларнинг ўзида ҳам «Бўлди энди, мақташ бўлмайди, энди амалий ишларга ўтайлик», деган фикрларни айтган.Биз Жаҳонгир Позилжоновга ҳозир индамасак, яхши кўринишга ҳаракат қилиб иккинчи, учинчи шундай қўшиқни айтиши мумкин. Қарабсизки, ташқарида тирноқ ичидан кир қидирадиган ўнлаб журналистлар «Ҳукумат Президент ҳақида қўшиқ айт деб топшириқ берди», деб мақолалар чиқара бошлайди. Худога шукр, бутун дунё ҳамжамияти бизга тан бермоқда. Президентга яхши кўринмоқчи бўлсак, чин юракдан Ватан учун, халқ учун хизмат қилиб, Президент томонидан олиб борилаётган ислоҳотларга ўзимизни қайсидир жойда бўлса ҳам ҳиссамизни қўшайлик.
Одилжон Абдуқаҳҳоров, «Ўзбекконцерт» директори
Изоҳ (0)