Халқ банкининг Фарғонадаги бўлимидан 100 минг доллар йўқолди

5 февраль куни Халқ банкининг Фарғона вилояти, Ёзёвон туманидаги филиалидан 100 минг доллар нақд пул йўқолган. Бу ҳақда «Дарё» мухбири Азизжон Эрматов хабар бермоқда.

Туман ИИБ навбатчилик қисмига шу куни соат 23:40 ларда Халқ банки туман филиали бошқарувчиси пул йўқолганлиги аниқлангани тўғрисида хабар берган.

Ҳозирда вилоят Ички ишлар бошқармаси ва прокуратура ходимларидан иборат махсус тергов гуруҳи тузилиб, воқеа жойида тезкор суриштирув ҳаракатлари олиб борилмоқда.

Ҳолат юзасидан Жиноят Кодексининг 169-моддаси 4-қисми «а» банди билан (ўғрилик, жуда кўп миқдорда) жиноят иши қўзғатилган.