Мажбурий ижро бюросининг Тошкент шаҳар бошқармаси ва Тошкент шаҳар ИИББ ЙҲХБ ҳамкорликда МИБ иш юритувидаги ижро ҳужжатларининг қарздорликлари ундируви бўйича қўшма рейд-тадбир ўтказмоқда. Бу ҳақда «Дарё»га бошқарма ахборот хизмати хабар берди.
30 январь 2019 йилдан бошланган тадбирнинг 7 кунида жами бўлиб ундирилган жарималар миқдори 3 713 370 355 сўмни ташкил этмоқда. Жами 12 401 нафар қоидабузарлар аниқланган.
Шундан таҳлилларга кўра, Тошкент шаҳар ҳайдовчиларининг бошқа вилоятларда содир этган ҳуқуқбузарликлари бўйича 6 967 нафар ёки 2 116 697 716 сўм жарималар ундирилди.
Бюронинг Тошкент шаҳар иш юритувидаги ижро ҳужжатлари бўйича пойтахтнинг 20 та марказий кўчаларида ЙҲХБнинг патруль хизмат автомобилларида ўрнатилган автоматик мослама ёрдамида 7 кунда 5 345 та қоидабузарлардан 1 797 744 176 сўм жарималар ундирилган.
Шунингдек, 60 та автотранспорт воситалари эса жарима майдончаларига жойлаштирилди. Шундан Бюронинг Тошкент шаҳар бошқармаси томонидан қидирувда бўлган 15 та автотранспорт воситаси ҳам аниқланди.
Изоҳ (0)