5 февраль куни Ўзбекистоннинг Екатеринбург шаҳридаги Бош консулхонасида Оламафруз Абдуллаев билан учрашув бўлиб ўтди. Бу ҳақда ТИБ матбуот хизмати хабар берди.
Унда Россияда вақтинчалик бўлиб турган ҳамюртлар, жумладан, олий таълим муассасалари талабалари, шунингдек, Свердловск вилоятидаги ўзбек диаспораси раҳбари Зокир Аллабергенов ҳам таклиф этилган.
Учрашув якунида Оламафруз Абдуллаевга Ўзбекистон Республикаси Ташқи ишлар вазири номидан қимматбаҳо совға ва мамлакатнинг Екатеринбург шаҳридаги Бош консулхонаси фахрий ёрлиғи топширилди. «Ўзбекистон ҳаво йўллари» миллий авиакомпанияси томонидан унинг 7 февралда учиб кетиши учун Екатеринбург—Тошкент рейсига бепул билет ажратилган.
Эслатиб ўтамиз, ўтган йилнинг 31 декабрь куни Магнитогорск шаҳрининг Карл Маркс кўчасида маиший газ портлаши оқибатида ўн қаватли уйнинг подездларидан бири қулаб тушиши оқибатида 39 киши ҳалок бўлган эди.
Ўзбекистон фуқароси Оламафруз Абдуллаев биринчилардан бўлиб ёрдамга шошилган ва қутқарувчилар келгунга қадар ўз ҳаётини хавф остига қўйиб бино қолдиқлари орасидан саккиз кишини қутқарган.
Изоҳ (0)