Оскар мукофотини топшириш маросими 30 йил ичида илк маротаба бошловчисиз ўтади

Америка киноакадемияси томонидан ўтказиладиган бу йилги «Оскар» мукофоти сўнгги 30 йил ичида илк бор бошловчисиз ўтади, дея хабар беради «Ведомости».

Ушбу қарорга мукофот продюсерлари келган.

Тадбир ташкилотчилари мукофотнинг натижаларини эълон қилишни маросимда қатнашадиган кино юлдузларига топширишга қарор қилган.

«Бу маросимни уч соатга қисқартиришнинг энг яхши йўли», — дейди ABC Entertainment президенти Бёрк.

Ўтган йили Америка киноакадемияси 2019 йилда мукофот маросимининг жуда узоқ бўлмаслигини ваъда қилган.

«Оскар»нинг тақдимот маросими охирги маротаба бошловчисиз 1989 йилда бўлиб ўтган.

Ўшанда кириш монологи ўрнига маросимда 11 дақиқали мусиқий саҳна намойиш этилган.