Давлат божхона қўмитаси Контрабанда ва божхона қонунчилиги бузилишига қарши курашиш бошқармаси ходимлари Тошкент ва Сирдарё вилоятлари божхоначилари билан ҳамкорликда Сирдарёда тезкор тадбир ўтказди. Бу ҳақда «Дарё»га қўмита ахборот хизмати маълум қилди.
Тадбир давомида фуқаро М.М.нинг яшаш хонадони кўздан кечирилди. Натижада ушбу хонадонда ташкил қилган ўрада сифати кафолатланмаган маҳсулотлар — 3984 дона дори ва тиббиёт воситалари, 28 минг дона спиртли ичимлик акциз маркалари, шунингдек, парфюмерия, энергетик ичимликлар ҳамда рангли металл парчалари борлиги аниқланди. Уларнинг умумий баҳоси 475,8 миллион сўмни ташкил қилди.
Айни пайтда юқоридаги ҳолат юзасидан божхона текширувлари олиб борилмоқда.
Изоҳ (0)