АПЛ. «Челси» «Ҳаддерсфилд» дарвозасига жавобсиз 5 та гол урди (видео)
2 февраль, шанба куни футбол бўйича Англия премьер лигасининг 25-тури доирасида 6 та учрашув якунланди.
Мусобақа жадвалида 4-ўринда бораётган Лондоннинг «Челси» клуби ўз майдонида «Ҳаддерсфилд»ни синовдан ўтказди.
Беллашувнинг 16-дақиқасида Нголо Канте узатган тўпни Гонсало Игуаин кучли зарб билан рақиб дарвозасига жойлаб қўйди. Бу аргентиналик футболчининг Премьер лига мусобақасидаги дастлабки голи ҳисобланади. 1-бўлимнинг сўнгги дақиқаларида ҳакам томонидан «Ҳаддерсфилд» дарвозаси томон пенальти белгиланди. Лондон клуби етакчиси Эден Азар бундан унумли фойдаланди ва ҳисобни 2:0 кўринишига олиб келди.
2-бўлимнинг 66-дақиқасида Эден Азар жамоасининг 3-голини урди ва дублга эришди. Орадан 3 дақиқа ўтиб Гонсало Игуаин ҳисобни йириклаштирди ва у ҳам дубл қайд этди. 86-дақиқада эса Давид Луис бурчак зарбасидан оширилган тўпга боши билан зарба берди ва ҳимоячига тегган тўп дарвоза тўридан жой олди (5:0).
Шу тариқа Маурицио Сарри шогирдлари «Ҳаддерсфилд» дарвозасига жавобсиз 5 та гол урди ва 3 очкога эга бўлди.
АПЛ
25-тур баҳслари
2 февраль, шанба
«Брайтон»—«Уотфорд» 0:0
«Бёрнли»—«Саутҳэмптон» 1:1
Голлар: 0:1 — 55 Редмонд, 1:1 — 90 Барнс.«Челси»—«Ҳаддерсфилд» 5:0
Голлар: 1:0 — 16 Игуаин, 2:0 — 45, пенальти, Азар, 3:0 — 66 Азар, 4:0 — 69 Игуаин, 5:0 — 86 Луис.«Кристал Пэлас»—«Фулҳэм» 2:0
Голлар: 1:0 — 25 Миливоевич, 2:0 — 87 Шлупп«Эвертон»—«Вулверҳэмптон» 1:3
Голлар: 0:1 — 7, пенальти, Невес, 1:1 — 27 Гомиш, 1:2 — 45 Ҳименес, 1:3 — 66 Дендонкер.«Кардифф»—«Борнмут» 2:0
Голлар: 1:0 — 5, пенальти, Рид, 2:0 — 46 Рид.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
