Республика Маънавият ва маърифат маркази томонидан Маданият вазирлиги ҳамда Ўзбекистон театр ижодкорлари уюшмаси билан ҳамкорликда 30 январь куни Ўзбек Миллий академик драма театрида пойтахт театрлари ижодкорлари иштирокида «Халқимиз маънавий оламини юксалтиришда театр санъатининг ўрни» мавзусидаги анжуман бўлиб ўтди. Бу ҳақда Маънавият ва маърифат маркази матбуот хизмати хабар берди.
Тадбир доирасида Республика Маънавият ва маърифат маркази ташаббуси билан Ўзбек миллий академик драма театри ходимлари учун «Маънавият» кутубхонаси очилди. Марказ томонидан мазкур кутубхонага мингга яқин турли номдаги китоблар тақдим этилди. Келгусида Республика Маънавият ва маърифат маркази юртимиздаги барча театрларда кутубхоналар ташкил этишни мақсад қилган.
Анжуманни Маданият вазирининг биринчи ўринбосари Озодбек Назарбеков очиб берди.
Тадбирда Ўзбекистон Республикаси Президентининг 2017 йил 28 июлдаги «Маънавий-маърифий ишлар самарадорлигини ошириш ва соҳани ривожлантиришни янги босқичга кўтариш тўғрисида»ги ПҚ-3160-сон Қарорида белгилаб берилган вазифалар, шунингдек, мафкуравий, ғоявий ва информацион курашлар кучайиб бораётган ҳозирги мураккаб ва таҳликали даврда маънавий-маърифий ишлар самарадорлигини янги босқичга кўтариш, ёшларни турли мафкуравий ҳуружлардан ҳимоя қилиш, ён-атрофда юз бераётган воқеаларга дахлдорлик ҳиссини ошириш, мамлакат мустақиллигига хавф туғдириши мумкин бўлган тажовузларга қарши санъат ва маданият воситасида изчил кураш олиб бориш вазифаларидан келиб чиқиб, шу билан бир қаторда театрлар жамоалари орасида соғлом ижодий ва маънавий муҳит мавзуларида ўзаро фикр алмашилди.
Изоҳ (0)