Нью-Йоркда Шимолий Американинг йирик олмоси намойиш этилди

Шимолий Америка ҳудудида топилган энг йирик олмос Нью-Йоркда кенг омма эътиборига намойиш этилди, деб хабар беради Forum Daily.

Оғирлиги 552 карат (110,4 гр) бўлган ушбу сариқ олмос 2018 йилнинг декабрь ойида Канада шимоли-ғарбий ҳудудидаги Диавик конидан топилган.

Нодир минерал Шимолий қутб доирасидан 200 километр узоқликда жойлашган олмос конида бўлган.

Катталиги деярли товуқ тухумидек келадиган олмос Шимолий Америка ҳудудида топилган энг йирик ва дунёдаги барча сариқ олмослар ичида энг каттаси ҳисобланади.

Олмос Нью-Йоркдаги Philips  Auction’да 31 январдан 3 февралгача намойиш этилади. Ушбу олмос 21-асрда топилган олмослар катталиги жиҳатидан еттинчи ўринни эгаллаган бўлиб, тарихнинг энг йирик қимматбаҳо тошлари 30 талигидан жой олган.