Тошкент темир йўл муҳандислари институти биринчи босқич талабаси 21 ёшли (исм-фамилиялар ўзгартирилган) Н.В. курсдошлари билан бирга Тошкент шаҳри Миробод туманидаги кўп қаватли уйлардан бирида ижарада яшарди. 2018 йил 20 декабрь куни кечаси хонадошлар ўртасида арзимас сабабдан жанжал чиқди. Айбланувчи Н.В. жаҳл устида стол устида турган ошхона пичоғи олиб, таниши К.М.га оғир тан жароҳати етказади. Оқибатда жабрланувчи тез ёрдам машинасида касалхонага ётқизилган. Бу ҳақда ЎзА хабарида айтилади.
Мазкур ҳолат юзасидан ҳуқуқни муҳофаза қилувчи органлар тергов-суриштирув ўтказиб, тиббий экспертиза хулосалари олинди.
Суд мажлисида иш ҳужжатлари тўлиқ ўрганилиб, гувоҳлар кўрсатмалари тингланди. Айбдор қилмишига иқрор бўлди. Унга Ўзбекистон Республикаси Жиноят кодекси тегишли моддасига биноан жазо тайинланди.
Очиқ суд мажлисида соҳа мутахассислари, туман фаоллари ёшлар ўртасида ҳуқуқбузарлик ва жиноятчиликнинг барвақт олдини олиш, ички ишлар идораларида профилактик ҳисобда турувчи вояга етмаганлар, жиноят содир этишга мойиллиги бўлган ёшлар билан ишлаш масалалари бўйича фикр алмашди.
Изоҳ (0)