Бош прокуратура ҳузуридаги Инспекция органлари томонидан Вазирлар Маҳкамасининг «Ўзбекистон Республикаси Сув хўжалиги вазирлиги фаолиятини тартибга солувчи норматив-ҳуқуқий ҳужжатларни тасдиқлаш тўғрисида»ги қарори ва сув хўжалиги қурилишига оид қонунлар ижроси доимий назорат қилиб келинмоқда, дея хабар беради Ўзбекистон Республикаси Бош прокуратураси матбуот хизмати.
Мазкур йўналишдаги текширишларда «Ўзсувқурилиштаъминот» республика бирлашмаси, «Давсувмахсуспудрат» ва бошқа сув хўжалиги корхоналарида далолатномаларга сохта ёзувлар киритилиб, 4 миллиард 270 миллион 204 минг сўмлик мол-мулк ва маблағлар талон-торож қилиниб, 71 миллион сўмлик иш ҳақи ноқонуний тўланганлиги аниқланган.
Мазкур ҳолатлар юзасидан Ўзбекистон Республикаси Жиноят Кодексининг тегишли моддалари билан жиноят ишлари қўзғатилиб, тергов ҳаракатлари олиб борилмоқда.
Изоҳ (0)