Қароқчилар томонидан Бенин қирғоқлари яқинидаги Гвинея бўғозида ўғирлаб кетилган барча олти нафар россиялик қўйиб юборилди. Бу ҳақда Россиянинг Нигериядаги элчихонасига таяниб, «РИА Новости» хабар берди.
Дипломатик ваколатхона томонидан маълум қилишича, айни пайтда денгизчиларни яқин вақт ичида ўз ватанига қайтариш масаласи ҳал қилинмоқда.
17 январь куни денгизчилар учун пул талаб қилингани ҳақида хабар берилган, бироқ унинг суммаси айтилмаган. Пулнинг тўланган-тўланмаганлиги номаълум.
Россия фуқароларининг ўғирлаб кетилгани ҳақида 5 январда маълум бўлган. MSC Mandy контейнер кемасига ҳужум 2 январь кечаси уюштирилган.
Кеманинг бортида 20 нафардан ортиқ киши бўлган. Ҳужум қилганлар 7—9 киши бўлган. Улар ўқотар ва совуқ қуроллар билан таҳдид қилган.
Изоҳ (0)