Испания Кубоги. «Барселона» бугун ярим финал йўлланмаси учун «Севилья» билан жанг қилади
30 январь, чоршанба куни футбол бўйича Испания Кубогининг 1/4 финали доирасида 2 та жавоб учрашуви бўлиб ўтади.
Куннинг биринчи ўйинида «Бетис» клуби ўз майдонида «Эспаньол» клубини қабул қилади. Беллашув Тошкент вақти билан соат 23:30 да бошланади.
Маълумот учун, дастлабки ўйинда ғолиб номи аниқланмаган (1:1).
Куннинг иккинчи учрашувида Каталониянинг «Барселона» клуби «Камп Ноу» стадионида «Севилья» билан жанг қилади. Тўқнашув тунги вақт билан 01:30 да старт олади.
Эслатиб ўтамиз, мусобақа чорак финалининг биринчи баҳсида «Севилья» клуби ўз майдонида «Барселона» дарвозасига жавобсиз 2 та гол уриб, ғалаба қозонганди.
Испания Кубоги
1/4 финал баҳслари
30 январь, чоршанба
«Бетис»—«Эспаньол» 23:30 (1:1)
«Барселона»—«Севилья» 01:30 (0:2)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
