Ресторан, кафе ва бошқа кўнгилочар объектларнинг тунда ишлашига рухсат берилади. Бу 2017—2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид давлат дастурида кўзда тутилган, деб ёзади «Ҳуқуқий ахборот» Telegram-канали.
Давлат дастурига мувофиқ 10 февралга қадар ресторан, кафе ва бошқа кўнгилочар объектларда ҳуқуқ-тартибот ва жамоат хавфсизлигини таъминлаш талаблари, ушбу кўнгилочар объектларни тунги пайтда ишлаш тартиби назарда тутилган махсус ҳужжат лойиҳаси ишлаб чиқилиши лозим.
Изоҳ (0)