Фарғона вилояти Қўқон шаҳрида фильмни суратга олиш жараёнида иштирок этаётган таниқли актёр, Ўзбекистон халқ артисти Пўлат Саидқосимовнинг тўсатдан тоби қочиб Республика шошилинч тиббий ёрдами илмий марказига олиб борилгани ҳақида хабар берилган эди.
Беморни Ўзбекистон Республикаси Соғлиқни сақлаш вазири ўринбосари, Республика шошилинч тиббий ёрдами илмий маркази бош директори, тиббиёт фанлари доктори, профессор Абдуҳаким Ҳожибоев кўрикдан ўтказиб, операция қилган. Жарроҳлик амалиёти мураккаб кечгани сабабли унинг давомийлиги 6 соат давом этган.
ЎзАнинг ёзишича, ҳозирда 88 ёшли Пўлат Саидқосимовнинг аҳволи оғирлигича қолмоқда. Бемор Тошкент шаҳри Республика шошилинч тиббий ёрдами илмий марказининг жонлантириш бўлимида ётибди. Малакали шифокорлар унинг ҳаёти учун курашмоқда.
Изоҳ (0)