12 январь куни Ўзбекистон Маданият вазирлиги томонидан санъат ва маданият вакиллари ҳамда ўз ижодий тажрибалари билан ёшларга ибрат бўлаётган устоз санъаткорларни қўллаб-қувватлаш мақсадида «Эҳтиром» мукофоти совриндорларини тақдирлаш маросими ўтказилади. Бу ҳақда вазирлик матбуот хизмати хабар берди.
«Эҳтиром» мукофоти «Театр, кино ва оммавий томошалар», «Эстрада, анъанавий, опера хонандалик, мусиқа ижрочилиги ва рақс санъати», «Тасвирий ва амалий санъат», «Бадиий ижод, журналистика ва телевидение», «Эътибор, эҳтиром, эъзоз» каби 5 та йўналишда тақдим этилади.
Хабарда айтилишича. бу йилги «Эҳтиром—2018» мукофотини тақдирлашда ижодкорларнинг «Фаол инвестициялар ва ижтимоий ривожланиш йили» дастурида белгиланган вазифаларни амалга ошириш жараёнига эътибор қаратилади.
Изоҳ (0)