Томас Мюллер ЕЧЛнинг 2 та ўйинидан дисквалификация қилинди, энди у «Ливерпуль»га қарши ўйнамайди

13 декабрь куни Европа Чемпионлар Лигасининг гуруҳ босқичи сўнгги турида «Бавария» аъзоси Томас Мюллер «Аякс»га қарши ўйинда рақибига ишлатган қўполлиги сабаб майдондан четлаштирилганди. УЕФА ушбу ҳолат бўйича сўнгги қарорни эълон қилди.

Германиялик ўйинчи 2 та ўйинга дисквалификация қилинди, деб хабар берди Omnisport.

Шу тариқа, у мусобақанинг 1/8 финалида «Ливерпуль»га қарши 2 та ўйинда ҳам ёрдам бера олмайди.

Эслатиб ўтамиз, Мюллер «Аякс» ҳимоячиси Николас Тальяфико бошига оёғи билан зарба берганлиги учун ўйиндан четлаштирилган эди. Кейинчалик у рақибидан омма олдида кечирим сўради.

Маълумот учун, бу Мюллернинг карьерасидаги 2-қизил карточка бўлди.