Сурия терма жамоаси бош мураббийи истеъфога чиқарилди

БААда ўтказилаётган Осиё Кубоги вақтида иккинчи истеъфо ҳам рўй берди.

10 январь, пайшанба куни Сурия терма жамоаси бош мураббийи Бернд Штанге терма жамоанинг Осиё Кубогидаги муваффақиятсиз иштироки сабаб истеъфога чиқарилди.

Мусобақани Фаластин (0:0) билан дуранг натижа билан бошлаган Штанге шогирдлари иккинчи турда Иорданияга (0:2) ютқазиб қўйди.

Осиё Кубоги баҳсларининг навбатдаги турида Сурия термаси мусобақа фаворитларидан бири Австралия терма жамоаси имтиҳонидан ўтишига тўғри келади.

Аввалроқ Таиланд терма жамоаси бош мураббийи Милован Раевац ҳам истеъфога чиқарилганди.