АҚШда Uber ҳайдовчиси 6 кишини ўлдирганини тан олди

48 ёшли Uber Джейсон Далтон 2016 йилнинг февраль ойида Мичиган штатининг Каламазу шаҳрида бир қатор қотилликлар содир этганлигини тан олди, деб ёзмоқда Meduza.

Далтон судда қотиллик содир этганини ихтиёрий равишда тан олишга қарор қилганлигини маълум қилган. Адвокати қаршилигига қарамай, у анчадан бери қотилликни тан олиб кўрсатма бермоқчи бўлганлигини таъкидлаган.

Uber ҳайдовчиси 16 модда билан, хусусан, 6 кишини ўлдирганлик ва яна икки кишига суиқасд қилишда айбланмоқда. У шартли равишда муддатидан аввал озод этиш ҳуқуқисиз умрбод қамоқ жазосига маҳкум этилиши кутилмоқда.

Маълумот учун, Жейсон Далтон 2016 йилнинг 20 февраль кечаси беш соат давомида Каламазу шаҳрида олти кишини ўлдирган. Далтон қурбонларни тасодифан танлаган, уларнинг ҳеч бири Uber мижозлари эмасди. Полицияда таъкидланишича, қотилликлар орасида Далтон Uber дастури орқали такси буюртма берган йўловчиларни ташишда давом этган.Жейсон Далтон Uber дастурига қарам бўлиб қолганлигини, дастур унинг танаси ва онгини бошқарганлигини айтган.

Мичиган штатидаги бир қатор қотилликлардан сўнг, Uber компанияси Жейсон Далтонни бундан аввал ҳеч қачон қонунни бузмаганлиги учун ишга олишганини билдирган. Бўлиб ўтган воқеадан сўнг такси буюртма қилиш сервиси ўз ҳайдовчиларини қўшимча текширувдан ўтказишдан бош тортди.