Москвада 2 ёшли бола аритмияга қарши таблеткани ютиб юборди ва вафот этди

Москванинг жануби-ғарбида Янги йил байрамида бобоси ва бувисиникига меҳмонга борган икки ёшли болакай аритмияга қарши ичиладиган таблеткани ютиб юборди ва вафот этди. Ҳолат юзасидан терговчилар текширув ўтказмоқда. Бу ҳақда «РИА Новости» хабар берди.

Аниқланишича, бола 4 январь куни бобоси ва бувисиникида меҳмонда бўлган. У дорилар сақланадиган қутидан аритмияга қарши деб тахмин қилинаётган дорини олган ва уни ютиб юборган. Шундан сўнг у дарҳол касалхонага олиб борилган. Кўрсатилган ёрдамга қарамасдан, бола 6 январда вафот этган.