Яқин кунларда Давлат солиқ қўмитаси Молия вазирлиги билан ҳамкорликда касса чекларининг ягона шаклини ишлаб чиқади. Бу ҳақда Spot хабар берди.
Korzinka.uz супермаркетлар тармоғи асосчиси Зафар Ҳошимовнинг сўзларига кўра, бугунги кунда корпоратив картадан тўловни амалга оширган юридик шахсларга маҳсулотларни сотишда мураккабликлар юзага келмоқда.«Аввал чек ҳисоб-фактура ўрнига ўтарди. Ҳозирда эса харидорлар чек билан бухгалтерияга мурожаат қилиб, ҳисоб-фактура расмийлаштириб беришни сўрамоқда. Бу эса ҳамманинг ишини мураккаблаштирмоқда», — дейди тадбиркор.Солиқ қўмитаси раиси ўринбосари Мубин Мирзаевнинг айтишича , бир неча кун ичида чекнинг стандарт шакли ишлаб чиқилади ва йирик ритейлерларнинг раҳбарлари билан келишилади. У шунингдек касса чекини ҳисоб-фактурага тенглаштириш режалаштирилаётганини маълум қилган.«1 январдан ҚҚСга ўтилиши билан тушунмовчиликлар юзага келмоқда: айрим тадбиркорлар чекда маҳсулотнинг қўшимча қиймат солиғини кўрсатмоқда, бошқалар эса буни зарур эмас деб ҳисобламоқда. Янги шаклдаги чеклар эса ҚҚС тўловчилар учун ҳам, тўламайдиганлар учун ҳам қулай бўлади», — дейди Мубин Мирзаев.Президентнинг 2018 йил 1 ноябрдаги буйруғига асосан корпоратив банк карталарини қўллаган ҳолда юридик шахслар ўртасида, шунингдек якка тадбиркорлар томонидан нақдсиз тўловларни амалга ошириш олди-сотди шартномасисиз, инвойс (ҳисоб-фактура) асосида амалга оширилади.
Изоҳ (0)